Rah Ghuzar
02-25-2017, 10:05 AM
اِسْمِ مُحَمَّد نُورِ کَرَم ہے
خاکِ مدینہ فَخْرِ اِرَم ہے
احمدِ مُرسَل، رازِ الٰہی
ِسِرّ ِ خدا ہے، رب کی قسم ہے
سر پہ رِدَائے نورِ احد ہے
عالمِ ہستی زیرِ قدم ہے
مَہْر و نَجُوم اور چادرِ اختر
ذرّہِ نورِ یزدِ کرم ہے
رونقِ بَزْمِ عَرشِ مُعَلّٰی
چَرْخِ مَکَوکَب نقشِ قدم ہے
نُطْق سے اُس کے بنتا ہے قرآں
خاکِ کفِ پا، قَصْرِ حَرَم ہے
سَرْوَرِ عالم رحمتِ یزداں
شانِ عرب ہے جانِ عَجَم ہے
اَمْر و ارادہ، قَدْر و قضاء ہے
جُنبشِ مژگاں، لوح و قلم ہے
مرکزِ چَشْمِ حُسنِ دو عالم
یُوسفِ کِنْعَاں، رُو بہ قدم ہے
سیّدِ بطحا، والئِ یثرب
ہاشمی گھر کا جاہ و حشم ہے
مُحسَنِ انساں روئے زمیں پر
خیر کا لے کر اُترا عَلَم ہے
لَفْظ غلامی کرنے لگے ہیں
نَعْت سرِ قرطاس رقم ہے
روزِ ازل سے در پہ ہے ثائِر
...آئیں مُحَمَّد ہونٹوں پہ دم ہے
خاکِ مدینہ فَخْرِ اِرَم ہے
احمدِ مُرسَل، رازِ الٰہی
ِسِرّ ِ خدا ہے، رب کی قسم ہے
سر پہ رِدَائے نورِ احد ہے
عالمِ ہستی زیرِ قدم ہے
مَہْر و نَجُوم اور چادرِ اختر
ذرّہِ نورِ یزدِ کرم ہے
رونقِ بَزْمِ عَرشِ مُعَلّٰی
چَرْخِ مَکَوکَب نقشِ قدم ہے
نُطْق سے اُس کے بنتا ہے قرآں
خاکِ کفِ پا، قَصْرِ حَرَم ہے
سَرْوَرِ عالم رحمتِ یزداں
شانِ عرب ہے جانِ عَجَم ہے
اَمْر و ارادہ، قَدْر و قضاء ہے
جُنبشِ مژگاں، لوح و قلم ہے
مرکزِ چَشْمِ حُسنِ دو عالم
یُوسفِ کِنْعَاں، رُو بہ قدم ہے
سیّدِ بطحا، والئِ یثرب
ہاشمی گھر کا جاہ و حشم ہے
مُحسَنِ انساں روئے زمیں پر
خیر کا لے کر اُترا عَلَم ہے
لَفْظ غلامی کرنے لگے ہیں
نَعْت سرِ قرطاس رقم ہے
روزِ ازل سے در پہ ہے ثائِر
...آئیں مُحَمَّد ہونٹوں پہ دم ہے