17.Hifazat e Quran e Kareem or Jama e Quran ka kaam

💥 Title : Hifazat e Quran e Kareem


Quran e Kareem kyun kay ek hi dafa poora ka poora nazil nai hua, balkay iski mukhtalif ayaat zarurat aur halaat ki munasibat sy naazil ki jati rahi hayn..
Tou isliye Ehl e Risalat mein ye mumkin nai tha kay shuru sy isay kitaabi shakal mein likh kr mehfooz kr liya jaye.

Chanancheh ibtada e Islam mein Quran e Kareem ki hifazat kay liye sb sy zada zor hafizay pr diya gya tha.

Shuru mein jab Wahi nazil hui tou Hazoor Nabi Akram (SAWW) iskay alfaaz ko ussi waqt dohranay lag jatay thay takeh wo achi tarha sy yaad ho jayen..
Is pr surah qayamah ki ayat mein Allah nay Aap (SAWW) ko hidayat farmayi kay Quran E Kareem ko yaad rakhnay kay liye Aap (SAWW) ko aain nazool e Wahi kay waqt jaldi jaldi alfaaz ko dohranay ki zarurat nahin hay
Allah khud Aap mein aisa hafiza paida farma de ga kay ek baad nazool e Wahi kay baad Aap isay bhool nai sakayn gay.

Chanacheh aisa hi hua kay idher Aap (SAWW) pr ayaat e Qurani nazil hotin aur idher wo Aap (saww) ko yaad ho jaatin.
Is tarha Sarkaar e Do Alam Hazrat Muhammad Mustafa (SAWW) ka seena e Mubarik Quran e Kareem ka sb sy mehfooz ganjeena tha.
Jis mein kisi adna ghalti ya tarmeem o taghayur ka imkaan nai tha.
Lakin phir bhi Hazoor Nabi Akram (SAWW) ka mamool tha kay hr saal Ramzan mein Jibrael Ameen kay saath Quran e Kareem ka doar kiya krtay thay.


Phir Aap (SAWW) Sahaba e Karam ko Quran e Kareem kay ma'ani ki taleem hi nai detay thay,
balkay Unhain us kay alfaaz bhi yaad krwatay thay aur khud Sahaba e Karam ko Quran seekhnay aur Usay yaad rakhnay ka itna shoq tha kay hr shakhs is moamlay mein ek dusray sy agay barhnay ki fiqar mein rehta tha.

Baaz auraton nay apne shoharon ko siwaye iskay koi haq mehr hi talab nai kiya kay wo unhain Quran e Kareem ki taleem dein gay.

Saainkron Sahaba e Karam nay apni zindagi issi kaam kay liye waqf kr di thi. Wo Quran e Kareem ko na sirf yaad krtay balkay raaton ko namaz mein isay dohratay rehtay thay.

Hazrat Abada bin Sabit R.A farmatay hayn,
Kay jab koi shakhs hijrat kr kay Makkah Mukarma sy Madina tayab aata tou Aap usay hum ansariyon mein sy kisi kay hawalay kr dete takeh wo isay Quran sikhaye
aur Masjid e Nabwi (SAWW) mein Quran seekhnay aur sikhanay walon ki awazon ka itna shor honay laga kay Hazoor Nabi Akram (SAWW) ko ye takeed farmana pari kay apni awazain past kro takeh koi muwaalta paish na aaye.
Chanancheh thori muddat mein Sahaba e Karam ki ek aisi jamat tayar hogyi jisay Quran e Kareem az ba hifz tha.


Gharz ibtada e Islam mein zada zor Hafiza e Quran pr diya gya aur is waqt kay halaat mein yehi tareeqa mehfooz aur kabil e aitmaad tha.
Isliye kay is zamanay mein likhnay parhnay walon ki tad'ad bht kam thi. Kitaabon ko shaya krnay kay liye press waghera ki sahulat aur zaraye bhi mojood nai thay
Isliye agar sirf likhnay pr aitmaad kiya jata tou na tou Quran e Kareem ki waseeh paimanay pr ishaat ho skti thi aur na hi iski kabil e aitmaad hifazat ho skti thi.

Iski bajaye Allah nay Ehl e Arab ko us waqt kay hisaab sy hafizay ki aisi quwat atta farma di thi kay ek ek shakhs hazaron ash'aar ka hafiz hota tha.
Aur mamooli mamooli dihatiyon ko bhi apne aur apne khandaan kay hi nai balkay inkay ghoron tak kay nasab namay yaad hotay thay.
Isliye Quran e Kareem ki hifazat mein issi quwat e hafiza sy kaam liya gya aur isi kay zariye Quran e Kareem ki ayaat aur suratain Arab kay goshay goshay mein pohnch gyin.

🌷💚🌷💚🌷💚🌷💚🌷💚🌷




💥 Title : Aaghaaz mein Kitaabat e Waahii
🌷💚🌷💚🌷💚🌷💚🌷💚🌷



Quran e karim ko hifz karwany k ilawa Nabi karim S.A.WW ny likhwany ka bhe khas ehtamam karwaya.
Hazrat Zaid bin sabit r.a farmaty hein k main Aap S.A.WW k leay wahi ki kitababt ka kaam karta tha.

Jab Aap S.A.WW par wahi nazil hoti tou Aap S.A.WW ko sakht garmi lagti or Aap S.A.WW k jism e mubarik par paseeny k qatry motiyon ki tarah dhalakny lagty.
Phir jab yeh kafiyat khatam ho jati tou main koe maindhy ki had'di ya kisi or cheeze ka koe tukra ly k Aap S.A.WW ki khidmat mein hazir hota Aap S.A.WW likhwaty jaty or main likhta jata yahan tak k main jab likh k farigh hota tou quran ko naqal karny k boujh sy mujhy youn mehsoos hota tha k jaisy meri taangein toutny wali hein or main kabhe chal nai sakon ga.
Phir jab main farigh hota tou Aap S.A.WW farmaty k parho or main phir parh k sunata. Agar is mein koe kami baishi hoti tou Aap S.A.WW is ki islaah farma daity or phir isy logon k saamny ly aaty.



Hazrat Zaid bin sabit r.a k ilawa or bhe bohat sy sahaba r.a kitabat e wahi ka kaam injaam daity thy.
Jin mein khulfa e rasheedin Hazrat Abi bin ka'ab r.a, Hazrat Zubair bin Awam r.a, Hazrat Khalid bin waleed r.a Hazrat Talha r.a, Hazrat Sabit bin Qais r.a, Hazrat Moavia r.a, Hazrat Mugherra bin Shaiba r.a , Hazrat Abaan bin Saeed r.a khas taoar par qabil e zikar hein.

Hazrat Usman r.a farmaty hein k Aap S.A.WW ka mamool yeh tha k jab quran e karim ka koe hissa nazil hota tou Aap S.A.WW katib e wahi ko yeh hidayat farmaty thy k is ko falan sorat mein falan falan aayt k baad likha jaey.

Ous zamany mein arab mein choun k kaghz bohat hoty thy is leay qurani aayat ziada tar pathar ki silon, chamry k tukron, khajoor ki shakhon, bans k tukron darakhton k pat'ton or janwaron ki had'dion par likhi jati theein. Albata kabhe kabhe kaghaz k tukron par bhe likh laity thy. Is tarah ehd e Risalat mein quran e karim ka aik nuskha wo tha jo Aap S.A.WW ny apni nigrani mein likhwaya tha garchy wo muratab kitab ki shakal mein tou nai tha lakin wo mutfirq cheezon ke shakal mein tha.
Is k sath bohat sy shaba bhe apni yadasht k leay qurani aayat apny pass likh kar rakh laity thy yeh silsila islam k ibtidaai ehad tak jari raha.

🌷💚🌷💚🌷💚🌷💚🌷💚🌷

💥 Title: Hazrat Abu Bakar Sideeq r.a k Daour e Khilafat mein Jama e Quran ka kaam

🌷💚🌷💚🌷💚🌷💚🌷💚🌷



Hazoor Nabi karim S.A.WW k zamany mein Quran e karim k jitny nuskhy likhy hoay thy wo mukamal nuskhy tou nai thy or mukhtalif ashiyaa par likhy hoay thy or kisi sahabi k pass kie aik sorat kisi k pass aik sy ziada sortein kisi k pass kuch aayaat or kuch sahaba r.a k pass kuch aayaat k sath kuch tafseeri jumly bhe likhy hoay thy...

Is leay Hazrat Abu Bakar r.a ny apny ehd e khilaafat mein yeh zaroori samjha k quran e karim k in muntashir hisson ko yakja kar k mehfooz kar liya jaey.

Ouno ny yeh kaarnama jis tarah sy anjaam deya ous ki tafseel Hazrat Zaid bin sabit r.a ny yeh biyan farmaei k...



K jang e Yamama k foran baad aik roz Hazrat Abu Bakar r.a ny mujhy paigham bhaij kar bulwaya main oun k pass pohancha tou oun k pass Hazrat Umer Farooq r.a bhe mojoud thy.

Hazrat Abu Bakar r.a ny mujh sy farmaya k Hazrat Umer r.a ny abhe aa kar mujh sy yeh baat kahi hy k jang e Yamama mein quran e karim k hufaaz ki aik bari jamaat shaheed ho gi hy or agar mukhtalif maqamaat par quran e karim k hafiz isi tarah shaheed hoty rahy tou mujhy andaisha hy k kaheein quran e karim ka aik bara hissa napaid na ho jaey lehaza meri raaye yeh hy k aap apny hukm sy quran e karim ko jama karwany ka kaam shuru karain.

Hazrat Abu Bakar r.a farmaty hein k main ny Hazrat Umer r.a sy kaha k jo kaam Hazoor Nabi Akram S.A.WW ny nai kiya wo hum kaisy karain.
Hazrat Umer r.a ny jawab deya yeh kaam behtr he behtar hy is k baad Umer r.a mujhy baar baar yehi kehty rahy yahan tak k mujhy bhe is par sharaa e sadar ho geya.


Or ab meri raaye bhe yehi hy jo Umer r.a ke raaye hy.
Hazrat Zaid bin Sabit r.a farmaty hein k Is k baad Hazrat Abu Bakar r.a ny mujh sy farmaya k tum noujawan or samjhdaar aadmi ho hamein tumhary bary mein bad gumaani nai hy.

Rasool Allah S.A.WW 💚 k saamny kitabat e wahi ka kaam bhe karty rahy ho lehaza tum quran e karim ki aayton ko talash kar k in ko jama karo.

Hazrat Zaid bin Sabit r.a farmaty hein k
Khuda ki qasam!
Agar yeh hazraat mujhy koe pahar dhony ka hukm daity tou mujh par ous ka itna boujh na hota jitna jama e quran ka hoa.
Main ny in sy kaha k aap wo kaam kaisy kar rahy hein jo Hazoor S.A.WW ny nai kiya .
Hazrat Abu Bakar r.a ny farmaya Khuda ki qasam yeh kaam behtr he behtr hy is k baad Hazrat Abu Bakar r.a mujh sy baar baar yehi kehty rahy yahan tak k Allah Ta'ala ny mera seena isi raaye k leay khol deya jo Hazart Abu Bakar r.a or Hazrat Umer r.a ke raaye thee.
Chunachy main ny qurani aayaat ki talash karny ka kaam shuru kar deya.


💥 Title : Jama e Quran k leay Hazrat Zaid Bin Sabit r.a ka tareeqa e kaar...
🌷💚🌷💚🌷💚🌷💚🌷💚🌷 🌷💚🌷💚🌷💚🌷💚🌷💚🌷

Hazrat Zaid Bin Sabit (R.A) jese kay khud bhi hafiz thay, tou Apni yadasht sy poora Quran likh sktay thay,
In kay alawa bhi sainkaron hafaaz us waqt mojood thay
Inki ek jamat bana kr bhi Quran e Pak likha ja skta tha.
Aur phir jo Quran e Kareem kay nuskhay Hazoor Nabi Akram (SAWW) kay zamanay mein likhay gaye thay unsy bhi nakal kr sktay thay.
Lakin Unhon nay ikhtiyaak kay paish e nazar sirf kisi ek tareeqa e kaar pr bss nai kiya.
Balkay in tamaam zaraye sy bayaqt waqt kaam le kr us waqt tak koi ayat apnay saheefon mein darj nai ki jab tak is ayat kay mutawatar honay ki tehreeri aur zabani shahadatain nai milin.
Iskay ilawa Hazoor Nabi Akram (SAWW) nay jo Qurani ayaat Apni nigraani mein likhwayi thin wo mukhtalif Sahaba e Karam kay paas mehfooz thin.
Hazrat Zaid R.A nay unhain yakja farmaya.

Ye elaan e aam kr diya gya kay jis shakhs kay paas Quran e Kareem ki jitni ayaat likhi hui mojood hon wo Hazrat Zaid (R.A) kay paas le aaye.


Jab koi shakhs Unkay paas Quran e Kareem ki koi likhi hui ayat le kr aata tou Wo mandarja zail 4 tareeqon sy uski tasdeeq krtay thay...

🌷1. Sb sy pehlay apni yadasht sy uski touseekh krtay.

🌷2. Phir Hazrat Umar (R.A) bhi Hafiz e Quran thay aur Hazrat Abu Bakr Sadeeq (R.A) nay Unko bhi is kaam mein Hazrat Zaid (R.A) kay saath laga diya tha.
Tou jab kou shakhs koi ayat le kr aata tou Hazrat Zaid R.A aur Hazrat Umar Farooq R.A dono mushtariq tor pr usay wasool krtay thay.

🌷3. Koi likhi hui ayat us waqt tak qabool nai ki jaati thi jab tak 2 Kaabil e aitbaar gawahon nay is baat ki gawahi na de di ho kay ye ayat Hazoor Nabi Akram (SAWW) kay samnay likhi gyi thi.

🌷4. Is kay baad in likhi hui ayaton ka in majmuyon kay saath muqabila kiya jata tha jo mukhtalif sahaba e karam nay tayar kr rakhay thay.


Hazrat Usman Ghani r.a k Daour e Khilaafat mein Jamaa e Quran ka Kaam...
🌷💚🌷💚🌷💚🌷💚🌷💚🌷 🌷💚🌷💚🌷💚🌷💚🌷💚🌷 🌷💚🌷💚🌷💚🌷💚🌷💚🌷
Hazrat Usman r.a jab khalifa bany tou islam arab sy nikal Roum or iran k dour daraz ilaqon tak pohanch chuka tha.
Har nay ilaqy k log jan muslman hoty tou wo in mijahideen e islam ya tajiron sy islam seekhty jin ki badoulat oun ko islam ki naimat hasil hoe thee.

Ab jaisy k 7 haroof par quran nazil hoa tha tou ab dour daraz k ilaqaon tak qirat ka ikhtilaaf bhe pohanch geya.
Jab tak is haqeeqat sy waqif thy k quran e karim 7 haroof par nazil hoa hy ous waqt tak is ikhtilaaf mein koe kharabi paida nai hoe thee lakin jab yeh ikhtilaaf dour daraz k mumalik mein pohancha or yeh baat oun mein pouri tarah mash'hoor na ho saki k quran e karim 7 haroof par bazil hoa tha tou ous waqt logon mein jhagry paish aany lagy.

Baaz log apni qirat ko sahee or dousry ki qirat ko ghalat qarar daity. In jhagron sy aik tou yeh khatra tha k log quran e karim ki mutwatar qiraton ko ghalat qarar dainy ki sangeen ghalti mein mubtilaa hon gy.



Dousry Hazrat Zaid bin Sabit r.a ki aik nuskhy k jo Madeena Munawara mein mojoud the poury aalam e islami mein koe or aisa nuskha nai tha jo pouri qoum k leay hujata ban sakta kion k dousry nuskhy infiradi toar par oun ilaqon k likhy hoay thy or oun mein saton haroof ko jama karny ka kie ehtamam nai tha is leay in jhagron k tasfiye ke qabil e aitmaad sorat yehi thee k aisy nuskhy pory alam e islam mein phailaa deay jaein jin mein saton haroof jama hon..
or in ko daikh kar yeh faisla kiya jaey saky k konsi qirat sahi or konsi ghalat hy.

Is k leay Hazrat Usman r.a ny jaleel ul qadar Sahaba karam r.a ko jama kiya or oun mashwara kiya or farmaya mujhy itlaah mili hy k baaz log dousron sy is tarah ki batein kehty hein k meri qirat tumhari qirat sy behtr hy or yeh baat kufar ki had tak pohanch sakti hy lehaza aap logon ki is nary mein kia raaye hy....




Sahaba karam r.a ny khud Hazray usman r.a sy poucha k aap r.a ny kia socha.

Hazrar Usman r.a ny kaha k, meri raaye yeh hy k hum tamam logon ko aik mushaf par jama karain taky koe
ikhtilaaf paish na aaye.

Sahaba r.a ny is raaye ki pasand kar k Hazrat Usman r.a ki taa'eid farmaei.

Chunachy Hazrat Usman r.a ny logon ko jama kar k aik khutba deya jis mein farmaya...
kay tum log Madeena Tayaba mein mery qareeb hoty ho quran e karim ki qiraton k bary mein aik dousry ki takzeeb or ikhtilaaf karty ho is sy zahir hy k jo mujh sy dour hein wo tou or bhe ziada takzeeb or ikhtilaaf karty hon gy lehaza tamam log mil kar quran e karim ka aik aisa nuskha tayar karain jo sub k leay wajib ul iqtadaa ho.



Is gharz sy Hazrat Usman r.a ny Hazrat Hifsa r.a k pass paigham bheija..
k aap k pass Hazrat Abu Bakar r.a k tayar keay Mushaf or sahewfy mojoud hein wo hamary pass bheij dain hum oun ko naqal kar aap ko wapis kar dain gy.

Hazrat Hifsa r.a ny wo nuskhy Hazrat Usman r.a k pass bheij deay.

Aap r.a ny chaar sahaba r.a ki aik jamaat banaei jo Hazrat bin Sabit r.a,Hazrat Abdullah bin Zubair r.a, Hazrat Saeed bin Al'aas r.a or Hazrat Abdur rehman bin Haris bin Hashaam r.a par mushtamil thee.

Is jamaat ko is kaam par mamoor kiya geya k wo Hazrat abu Bakar r.a k saheefonsy naqala kar kae aisy masahif tayar karain jin mein sortein bhe muratab hon.

In charon sahaba mein Hazrat Zaid r.a ansari thy or baqi teeno sahaba r.a qurashi thy.
Is leay Hazrat Usman r.a ny in sy farmaya jab tumhara or Zaid r.a ka quran k kisi hissy mein ikhtilaaf ho yani konsa lafz kis tarah sy likha jaey tou isy quraish ki zaban mein likhna.


Is leay k quran e karim in he ki zaban mein nazil hoa hy.

Buniyado toar par yeh kaam in chaar sahaba r.a k supurd tha lakin phir dousry sahaba r.a ko bhe in ki madad k leay sath laga deya geya tha.

Hazrat Abu Bakar r.a k zamany mein jo nuskha tayar hoa tha is mein sortein muratab nai theein balky har sorat alag alag likhi hoe thee.

In hazraat ny tamam sorton ko tarteeb k sath aik mushaf mein likha tha.

Pehly saheefy jin mein har sorat alag alag mushaf mein theein wo Madeena Munawara mein Hazrat Hifsa r.a k pass tha phir Hazrat Hifsa r.a ki wafat k baad hazrat Marwan bin hakim ny is khiyal sy ousy nazar e aatish kar deya k is waqt Hazrat Usman r.a k tayar karwaye haoy musahif tayar thy or oun par ummat ka ijmaa bhe ho chuka tha k rasm ul khat or sorton ki tarteeb k lehaz sy in masahif ki pairvi ab sub par laazim thee tou Marvan bin hakim ny socha k ab koe aisa nuskha nai rehna chahiye jo is rasm ul khat or tarteeb k khilaaf ho is leay ous nuskhy ko nazae e aatish kar deya geya tha .

🌷💚🌷💚🌷💚🌷💚🌷💚🌷