سوال1: آپ کا کیا خیال ہے کہ عشق عطاہے؟ عشق کوشش سے بھی کیا جاسکتا ہے؟
:جواب
عشق معشوق کی عطا ہوتی ہے۔ کوئی بھی معشوق کی مرضی اور اجازت کے بنا عشق نہیں کرسکتا۔ معشوق کا کرم اور عطا ہے کہ وہ عشق کرنے کی اجازت دیتا ہے اور عاشق بناتا ہے۔ آگے عشق کو بڑھانا اپنی کوشش، شوق اور جذبے سے ہوتا ہے۔ عشق مسلسل کوشش ہے۔ جتنی کوشش کرتے جاتے ہیں عشق بڑھتا جاتا ہے۔ ورنہ رک جاتا ہے جم جاتا ہے۔ عشق معشوق کا حسین احسا س ہے۔عشق وہ عطا ہے جو اپنےایک سے ملے۔ عشق یار کی نظر کرم ہے ۔ جتنی عشق میں کچھ کرجانے کی کوشش بڑھتی جاتی ہے اتنا عشق بڑھتا جاتاہے۔ مگر کوشش سے ہی بڑھتا ہے ،بھڑکتا ہے اور زمین وآسمان کی وسعتوں میں پھیل جاتا ہے۔طلب اور تڑپ سب یار کی عطا ہے۔ سب معشوق کراتا ہے۔ وہ ہی سکھاتا ہے۔ عشق کی آگ ازل سے ہی بھڑکا دی گئی تھی۔ اب عاشق نے اپنا آپ نکھارنا، سنوارنا، تراشنا اور لٹانا ہوتا ہے۔ جو جتنی کوشش کرتا ہے آگے بڑھتا ہے۔ عشق کا میدان تو کھلا ہوا ہے۔ عطا جذبے سے ہوتی ہے۔ عاشق کا کام اپنے عشق کی آگ کو بھڑکائے رکھنا ہے ۔کوشش کرتے رہنا ہے۔ عشق میں عطا کا دروازہ کبھی بند نہیں ہوتا۔
